Human Evolution:
ಲಕ್ಷಾಂತರ ವರ್ಷಗಳ ಹಿಂದೆ ಈ ಭೂಮಿಯಲ್ಲಿ ಜೀವಿಸಿದ ಆದಿ ಮಾನವರ ಜೀವನವು ಇಂದು ನಾವು ಬದುಕುತ್ತಿರುವ ಆಧುನಿಕ ಜೀವನಕ್ಕಿಂತ ಬಹಳ ವಿಭಿನ್ನವಾಗಿತ್ತು. ಈ ಪ್ರಪಂಚವು ದೊಡ್ಡ ಕಾಡುಗಳು, ಉದ್ದ ಬಯಲುಗಳು, ಎತ್ತರದ ಪರ್ವತಗಳು ಮತ್ತು ಶಕ್ತಿಶಾಲಿ ನದಿಗಳಿಂದ ಕೂಡಿತ್ತು. ಪ್ರಪಂಚದಾದ್ಯಂತ ಹರಡಿಕೊಂಡಿದ್ದ ನಮ್ಮ ಪೂರ್ವಜರಾದ ಆದಿ ಮಾನವರ ದೈನಂದಿನ ಜೀವನವು ಆಹಾರಕ್ಕಾಗಿ ಬೇಟೆಯಾಡುವ, ಅಪಾಯಗಳಿಂದ ತಮ್ಮನ್ನು ರಕ್ಷಿಸಿಕೊಳ್ಳುವ ಹಾಗೂ ಉಳಿದು ಕೊಳ್ಳಲು ಸುರಕ್ಷಿತ ಸ್ಥಳಗಳ ಹುಡುಕಾಟದ ಮೇಲೆ ಕೇಂದ್ರೀಕೃತವಾಗಿತ್ತು.
ಪ್ರಾರಂಭಿಕ ಹಂತ
ಆದಿ ಮಾನವ ವಂಶವು ಲಕ್ಷಾಂತರ ವರ್ಷಗಳ ಹಿಂದೆ ಹೋಮಿನಿನ್ ಎಂದು ಕರೆಯಲ್ಪಡುವ ನಮ್ಮ ಆರಂಭಿಕ ಪೂರ್ವಜ ವಂಶದೊಂದಿಗೆ ಪ್ರಾರಂಭವಾಯಿತು. ಈ ಆರಂಭಿಕ ಹೋಮಿನಿನ್ಗಳು ಆಫ್ರಿಕಾದ ಮರಗಳಲ್ಲಿ ವಾಸಿಸುತ್ತಿದ್ದ ಸಣ್ಣ ಜೀವಿಗಳಾಗಿದ್ದವು. ಅವು ದೆಹರಚನೆಯಲ್ಲಿ ನೋಡಲು ಕೋತಿ ಹಾಗೂ ಮಾನವನ ಗುಣಲಕ್ಷಣಗಳ ಮಿಶ್ರಣವನ್ನು ಹೊಂದಿದ್ದವು. ದೇಹವನ್ನು ಮುಚ್ಚಿಕೊಳ್ಳದೇ ಪ್ರಾಣಿಗಳಂತೆ ತಮ್ಮ ಕೈ ಕಾಲುಗಳನ್ನು ಬಳಸಿಕೊಂಡು ನಡೆದಾಡುತ್ತಿದ್ದ ಈ ಹೋಮಿನಿನ್ಗಳು ಕಾಡುಗಳನ್ನೇ ತಮ್ಮ ವಾಸ ಸ್ಥಾನಗಳನ್ನಾಗಿ ಮಾಡಿಕೊಂಡು ಬದುಕುತ್ತಿದ್ದರು. ಹಣ್ಣು ಹಂಪಲುಗಳು ಹಾಗೂ ಬೇಟೆಯಾಡಿದ ಪ್ರಾಣಿಗಳ ಹಸಿ ಮಾಂಸವು ಅವರ ಮುಖ್ಯ ಆಹಾರವಾಗಿತ್ತು. ಈ ಹೋಮಿನಿನ್ಗಳಲ್ಲಿ ಪ್ರಮುಖರಾದ ಸಹೇಲಾಂಥ್ರೋಪಸ್ ಚಾಡೆನ್ಸಿಸ್ ಸಣ್ಣ ಗಾತ್ರದ ಮೆದುಳು ಹಾಗೂ ಎರಡೂ ಕಾಲುಗಳಲ್ಲಿ ನಡೆಯುವ ಸಾಮರ್ಥ್ಯ ಹೊಂದಿದ್ದರು. ಈ ಲಕ್ಷಣಗಳು ಮಾನವ ವಿಕಾಸದ ಪ್ರಾರಂಭಿಕ ಹಂತಗಳಲ್ಲಿ ಒಂದಾಗಿತ್ತು.
ಶಿಲಾಯುಗದ ಉದಯ
ಸಣ್ಣ ಗುಂಪಿಗಳನ್ನೂ ಕಟ್ಟಿಕೊಂಡು ಜೀವಿಸುತ್ತಿದ್ದ ಆದಿ ಮಾನವರು ನಿರಂತರವಾಗಿ ಆಹಾರ ಹುಡುಕಾಟದಲ್ಲಿ ಒಂದು ಸ್ಥಳದಿಂದ ಮತ್ತೊಂದು ಸ್ಥಳಕ್ಕೆ ಪ್ರಯಾಣ ಮಾಡುವುದು ಸಾಮಾನ್ಯವಾಗಿತ್ತು. ಮಹಿಳೆಯರು ಮತ್ತು ಮಕ್ಕಳು ಹಣ್ಣುಗಳು, ಬೀಜಗಳನ್ನು ಸಂಗ್ರಹಿಸುತ್ತಿದ್ದರೆ, ಪುರುಷರು ಮೀನು ಹಿಡಿಯುವುದು, ಕಾಡು ಪ್ರಾಣಿಗಳನ್ನು ಬೇಟೆಯಾಡುವಂತಹ ಕೆಲಸಗಳನ್ನು ಮಾಡುತ್ತಿದ್ದರು.
ಈ ಆರಂಭಿಕ ಮಾನವರಿಗೆ ಆಯುಧದ ಆವಿಷ್ಕಾರವು ಅತಿ ದೊಡ್ಡ ಪ್ರಗತಿಗಳಲ್ಲಿ ಒಂದಾಗಿತ್ತು. ಆರಂಭದಲ್ಲಿ ತಮಗೆ ಸಿಗುವಂತಹ ಮೂಲಭೂತ ಉಪಕರಣಗಳನ್ನು ಬಳಸಿಕೊಂಡು ಅಂದರೆ ತಮಗೆ ಸಿಗುವಂತಹ ಸಾಮಾನ್ಯ ಕಲ್ಲುಗಳನ್ನು ಬಳಸಿಕೊಂಡು ಬೀಜಗಳನ್ನು ಒಡೆಯಲು ಅಥವಾ ಮೂಳೆಗಳಿಂದ ಮಾಂಸವನ್ನು ಹೊರತೆಗೆಯುತ್ತಿದ್ದರು . ಆದರೆ ಕಾಲ ಕ್ರಮೇಣ ಅವರು ಕಲ್ಲುಗಳನ್ನು ತೀಕ್ಷ್ಣವಾದ ಆಯುಧವಾಗಿ ಹಾಗೂ ಕತ್ತರಿಸಲು ಕೊಡಲಿಗಳು, ಚಾಕುಗಳಂತಹ ವಿಶೇಷ ಸಾಧನಗಳನ್ನು ರೂಪಿಸಲು ಕಲಿತರು. ಇದು ಅವರಿಗೆ ಮಾಂಸವನ್ನು ಹಾಗೂ ಹಣ್ಣುಗಳನ್ನು ಕತ್ತರಿಸಲು ತುಂಬಾ ಉಪಯುಕ್ತವಾಯಿತು. ಇದು ಶಿಲಾಯುಗದ ಉದಯಕ್ಕೆ ಕಾರಣವಾಯಿತು.
ಬೆಂಕಿಯ ಬಳಕೆ
ನಂತರ ಆದಿ ಜೀವಿಗಳು ಬೆಂಕಿಯನ್ನು ಬಳಸಲು ಕಲಿತರು. ಬೆಂಕಿಯ ಬಳಕೆಯು ಅವರ ಜೀವನವನ್ನೇ ಬದಲಾಯಿಸಿತು. ಬೆಂಕಿಯು ಕತ್ತಲಲ್ಲಿ ಅವರಿಗೆ ಬೆಳಕು, ಕೊರೆಯುವ ಚಳಿಯಲ್ಲಿ ದೇಹವನ್ನು ಬೆಚ್ಚಗೆ ಇರಿಸಿಕೊಳ್ಳಲು, ಕಾಡು ಪ್ರಾಣಿಗಳಿಂದ ರಕ್ಷಣೆ ಮತ್ತು ಮುಖ್ಯವಾಗಿ ಆಹಾರವನ್ನು ಬೇಯಿಸುವ ಅವಕಾಶ ಒದಗಿಸಿತು. ಈ ರೀತಿ ಬೇಯಿಸಿದ ಮಾಂಸ ಸುಲಭವಾಗಿ ಅಗಿಯಲು ಹಾಗೂ ಜೀರ್ಣಿಸಿಕೊಳ್ಳಲು ಸಾಧ್ಯವಾಗಿ ದೇಹಕ್ಕೆ ಹೆಚ್ಚಿನ ಪೋಷಕಾಂಶ ದೊರೆತು ಮಾನವನ ಮೆದುಳಿನ ಬೆಳವಣಿಗೆಗೆ ಉತ್ತೇಜನ ನೀಡಿತು.
ಭಾಷೆಯ ಅಭಿವೃದ್ಧಿ
ಕಾಲ ಕ್ರಮೇಣ ಆದಿ ಮಾನವರು ಒಟ್ಟಿಗೆ ಹೆಚ್ಚು ಸಮಯ ಕಳೆಯುತ್ತಿದ್ದಂತೆ, ಅವರ ಸಂವಹನ ಶೈಲಿ ಬದಲಾಯಿತು. ಆರಂಭದಲ್ಲಿ, ಕೈ ಸನ್ನೆ ಹಾಗೂ ಸರಳ ಧ್ವನಿಗಳನ್ನು ಬಳಸುತ್ತಿದ್ದಈ ಪ್ರಕ್ರಿಯೆಯಲ್ಲಿ, ಮಾನವ ದೇಹ ಮತ್ತು ಮೆದುಳು ವಿಕಾಸಗೊಂಡವು. ಹೋಮೋ ಹ್ಯಾಬಿಲಿಸ್ ಮತ್ತು ಹೋಮೋ ಎರೆಕ್ಟಸ್ ಎಂಬ ಪ್ರಾಚೀನ ಮಾನವರು ಸಣ್ಣ ಮೆದುಳು ಮತ್ತು ಸರಳ ಉಪಕರಣಗಳನ್ನು ಬಳಸುತ್ತಿದ್ದವರು. ಆದರೆ ನಮ್ಮ ಪೂರ್ವಜರು ಹೆಚ್ಚು ಸಂಕೀರ್ಣ ಸಮಾಜಗಳಲ್ಲಿ ಬದುಕಲು ಪ್ರಾರಂಭಿಸಿದಂತೆ, ಅವರ ಮೆದುಳು ದೊಡ್ಡದಾಯಿತು. ಹೋಮೋ ಸೇಪಿಯನ್ಸ್ ಕಾಲಕ್ಕೆ, ಮಾನವರು ಅಮೂರ್ತವಾಗಿ ಯೋಚಿಸುವುದು, ಸಂಶೋಧನೆ ಮಾಡುವುದು ಮತ್ತು ಸಮಸ್ಯೆಗಳನ್ನು ಬಗೆಹರಿಸುವುದರಲ್ಲಿ ಹೆಚ್ಚು ನಿಪುಣರಾಗಿದ್ದವರು ನಿಧಾನವಾಗಿ ಹೆಚ್ಚು ಕಠಿಣವಾದ ಭಾಷೆಯನ್ನು ಅಭಿವೃದ್ಧಿಪಡಿಸಿದರು. ಇದು ಅವರಿಗೆ ತಮ್ಮ ಜ್ಞಾನವನ್ನು ಹಂಚಿಕೊಳ್ಳಲು, ಪರಸ್ಪರ ಅಪಾಯದ ಸೂಚನೆಗಳನ್ನು ನೀಡಲು ಹಾಗೂ ಬೇಟೆಯ ಸಮಯದಲ್ಲಿ ಒಟ್ಟಿಗೆ ಯೋಜನೆಗಳನ್ನು ಹಾಕಲು ಹಾಗೂ ಪರಸ್ಪರ ಸಂಬಂಧಗಳನ್ನು ಗಟ್ಟಿಗೊಳಿಸುವಲ್ಲಿ ಭಾಷೆ ಸಹಾಯ ಮಾಡಿತು.
ಒಂದೇ ಸ್ಥಳದಲ್ಲಿ ನೆಲೆ: ಹೊಸ ಜೀವನ ಆಧುನಿಕ ನಾಗರಿಕತೆ
ಹೀಗೆ ಹತ್ತಾರು ಸಾವಿರ ವರ್ಷಗಳ ಕಾಲ ಆಹಾರದ ಹುಡುಕಾಟದಲ್ಲಿ ಅಲೆಮಾರಿ ಜೀವನ ನಡೆಸುತ್ತಿದ್ದ ಮಾನವರು ಸುಮಾರು 12,000 ವರ್ಷಗಳ ಹಿಂದೆ, ದೊಡ್ಡ ಬದಲಾವಣೆ ನಂತರ – ಅವರು ಒಂದೇ ಸ್ಥಳದಲ್ಲಿ ನೆಲೆಸಲು ಪ್ರಾರಂಭಿಸಿದರು. ನೆಲದಲ್ಲಿ ಚೆಲ್ಲಿದ ಬೀಜದಲ್ಲಿ ಮೊಳಕೆ ಒಡೆಯುವುದನ್ನು ಕಂಡ ಮಾನವನು ಈ ರೀತಿ ಕೃಷಿಯನ್ನು ಮಾಡಿ ಬದುಕಬಹುದು ಎಂಬುವುದನ್ನು ಕಂಡುಕೊಂಡನು.
ಆಹಾರದ ಹುಡುಕಾಟದಲ್ಲಿ ನಿರಂತರವಾಗಿ ಚಲಿಸುತ್ತಿದ್ದ ಜನರು ಈಗ ಒಂದೇ ಸ್ಥಳದಲ್ಲಿ ನೆಲೆಸಿ ಗೋಧಿ, ಬಾರ್ಲಿ ಮತ್ತು ಅಕ್ಕಿಯಂತಹ ಬೆಳೆಗಳನ್ನು ಬೆಳೆಯಲು ಪ್ರಾರಂಭಿಸಿದರು. ಅಲ್ಲದೆ ಅವರು ಆಡುಗಳು, ಕುರಿಗಳು ಮತ್ತು ದನಗಳಂತಹ ಪ್ರಾಣಿಗಳನ್ನು ಸಾಕಿದರು. ಹೀಗೆ ಕೃಷಿ ಸಮುದಾಯಗಳು ರೂಪುಗೊಳ್ಳಲು ಪ್ರಾರಂಭಿಸಿದವು. ಈ ಹೊಸ ಬೆಳವಣಿಗೆಯು ಹಳ್ಳಿಗಳ ಬೆಳವಣಿಗೆಗೆ ಹಾಗೂ ನಾಗರಿಕತೆಯ ಆರಂಭಕ್ಕೆ ಕಾರಣವಾಯಿತು.ಕಾಲಾನಂತರದಲ್ಲಿ, ಈ ಗ್ರಾಮಗಳನ್ನು ನಗರಗಳಾಗಿ ವಿಸ್ತರಿಸಲಾಯಿತು. ಮಾನವರು ಶಾಶ್ವತ ಮನೆಗಳನ್ನು ನಿರ್ಮಿಸಿ, ಕೃಷಿಯ ಮೂಲಕ ಹೆಚ್ಚು ಆಹಾರ ದೊರೆಯುತ್ತಿದ್ದರಿಂದ ಜನರು ಕುಶಲಕರ್ಮಿಗಳಾಗಿ, ಕುಂಬಾರಿಕೆಗಳನ್ನು ರಚಿಸುವುದು, ಬಟ್ಟೆಗಳನ್ನು ನೇಯ್ಗೆ ಮಾಡುವುದು, ವ್ಯಾಪಾರ, ಬೇರೆ ಬೇರೆ ಹಳ್ಳಿಗಳ ನಡುವೆ ಸರಕು ವಿನಿಮಯ ಮಾಡಿಕೊಂಡು ಜೀವನವನ್ನು ಸಾಗಿಸಲು ಪ್ರಾರಂಭಿಸಿದರು.
ಇದರಿಂದ ಮೆಸೊಪಟ್ಯಾಮಿಯಾ, ಈಜಿಪ್ಟ್ ಮತ್ತು ಸಿಂಧೂ ಕಣಿವೆಯಂತಹ ಪ್ರಾಚೀನ ನಾಗರಿಕತೆಗಳ ಬೆಳವಣಿಗೆಗೆ ಕಾರಣವಾಯಿತು. ಈ ನಾಗರಿಕತೆಗಳು ಮತ್ತು ದೇವಾಲಯಗಳಂತಹ ಭವ್ಯವಾದ ರಚನೆಗಳನ್ನು ನಿರ್ಮಿಸಿದರು ಜೊತೆಗೆ ಲಿಖಿತ ಭಾಷೆಗಳನ್ನು ರಚಿಸಿದರು. ತಪ್ಪು ಮಾಡುವ ಜನರನ್ನು ಶಿಕ್ಷಿಸಲು ಕಾನೂನುಗಳನ್ನು ಅಳವಡಿಸಿದವು. ಈ ಹೊಸ ಜೀವನ ಆಧುನಿಕ ನಾಗರಿಕತೆಗಳಿಗೆ ಕಾರಣವಾಯಿತು.
Human Evolution: ಮಾನವ ವಿಕಾಸದ ಅದ್ಭುತ ಕಥೆ-ಮೆದುಳು ಬೆಳವಣಿಗೆ, ಸಂಶೋಧನೆ, ಸಮಸ್ಯೆಗಳ ಪರಿಹಾರ
ಮಾನವರು ತಮ್ಮ ಸುತ್ತಲಿನ ಪ್ರಪಂಚದ ಬಗ್ಗೆ ಹೆಚ್ಚು ಆಳವಾಗಿ ಯೋಚಿಸಲು ಪ್ರಾರಂಭಿಸಿದರು, ಇದರಿಂದ ತತ್ವಶಾಸ್ತ್ರ, ಧರ್ಮ ಮತ್ತು ವಿಜ್ಞಾನದ ಬೆಳವಣಿಗೆ ಪ್ರಾರಂಭವಾಯಿತು. ಅವರು ನಕ್ಷತ್ರಗಳು, ಭೂಮಿ ಮತ್ತು ಜೀವನದ ಬಗ್ಗೆ ಪ್ರಶ್ನೆಗಳನ್ನು ಕೇಳುತ್ತಾ ಉತ್ತರಕ್ಕಾಗಿ ಹುಡುಕಾಟಕ್ಕೆ ಇಳಿಯುತ್ತಾ ಹೆಚ್ಚು ಹೆಚ್ಚು ಜ್ಞಾನವನ್ನು ಪಡೆಯಲು ಆರಂಭಿಸಿದರು. ಈ ರೀತಿ ಮಾನವ ದೇಹ ಮತ್ತು ಮೆದುಳು ವಿಕಾಸಗೊಳ್ಳುತ್ತಾ ಹೋಯಿತು. ಆದಿ ಮಾನವ ವಂಶವಾದ ಹೋಮೋ ಹ್ಯಾಬಿಲಿಸ್ ಮತ್ತು ಹೋಮೋ ಎರೆಕ್ಟಸ್ ಸಣ್ಣ ಮೆದುಳು ಹೊಂದಿದ್ದರು ಹಾಗೂ ಸರಳ ಉಪಕರಣಗಳನ್ನು ಬಳಸಿ ಜೀವನ ಸಾಗಿಸುತ್ತಿದ್ದರು. ಆದರೆ ನಮ್ಮ ಪೂರ್ವಜರು ಹೆಚ್ಚು ಒಟ್ಟಾಗಿ ಸಮಾಜಗಳಲ್ಲಿ ಬದುಕಲು ಪ್ರಾರಂಭಿಸಿದಂತೆ, ಅವರ ಮೆದುಳು ಬೆಳವಣಿಗೆ ಪಡೆದು ಹೋಮೋ ಸೇಪಿಯನ್ಸ್ ಕಾಲಕ್ಕೆ, ಮಾನವರು ದೊಡ್ಡದಾಗಿ ಯೋಚಿಸುವುದು, ಸಂಶೋಧನೆ ಮಾಡುವುದು ಮತ್ತು ಸಮಸ್ಯೆಗಳನ್ನು ಬಗೆಹರಿಸುವುದರಲ್ಲಿ ಹೆಚ್ಚು ನಿಪುಣರಾಗತೊಡಗಿದರು.
ಈ ರೀತಿ ಬೇಟೆಯಾಡುವ ಮತ್ತು ಸಂಗ್ರಹಿಸುವ ಆರಂಭಿಕ ದಿನಗಳಿಂದ ನಾಗರಿಕತೆಯ ಉದಯದವರೆಗೆ, ಆದಿ ಮಾನವರು ಆಧುನಿಕ ಜಗತ್ತಿಗೆ ದಾರಿ ಮಾಡಿಕೊಟ್ಟರು. ಅವರ ಆವಿಷ್ಕಾರಗಳು, ಬೆಂಕಿಯ ಬಳಕೆಯಿಂದ ಭಾಷೆಯ ಬೆಳವಣಿಗೆಯವರೆಗೆ, ನಂತರ ಬಂದ ಎಲ್ಲದಕ್ಕೂ ಅಡಿಪಾಯ ಹಾಕಿದವು. ಹೀಗೆ ಮಾನವನು ಕಠಿಣ ಸವಾಲುಗಳನ್ನು ಎದುರಿಸುತ್ತಾ ವಿಕಾಸಗೊಂಡನು.
ಇಂದು, ನಾವು ಸುಧಾರಿತ ತಂತ್ರಜ್ಞಾನದ ಜೊತೆಗೆ ನಗರಗಳಲ್ಲಿ ವಾಸಿಸುತ್ತೇವೆ, ಆದರೆ ನಮ್ಮ ಜೀವನದ ಮೂಲವು ಕಾಡುಗಳಲ್ಲಿ ಬದುಕಲು ಮತ್ತು ವಿಕಸನಗೊಳ್ಳಲು ಕಲಿತ ಮೊದಲ ಮಾನವರಿಗೆ ಹೋಗುತ್ತದೆ. ಅವರ ಪರಂಪರೆಯ ಪರಿಣಾಮ ನಮ್ಮಲ್ಲಿ ಉಳಿದಿದೆ, ಇದು ಮಾನವ ವಿಕಾಸದ ಅದ್ಭುತ ಕಥೆಗೆ ಸಾಕ್ಷಿಯಾಗಿದೆ.
ಇದನ್ನೂ ಓದಿ :
Do Follow
